Патрыятычныя пано на мурах беларускіх гарадоў



На сценах мураваных дамоў беларускіх гарадоў за апошнія 10 год з’явіліся патрыятычныя пано. Такія выявы на мурах безумоўна спрыяюць фармаванню нацыянальнага і лакальнага гонару, прывабліваюць увагу турыстаў і надаюць дадатковы шарм канкрэтным месцам.

Калыска беларускай дзяржаўнасці Полацк вітае гасцей адной з даўніх выяваў гораду.

 

Стараецца не адставаць і першая сталіца Вялікага Княства Літоўскага – Наваградак.

У Смаргоні на адным з жылых дамоў ушанавалі легендарнага Мацея Бурачка з ягоным актуальным запаветам.

А ў Шчучыне да Дня беларускага пісьменства выявай нацыянальнага першадрукара пару гадоў таму ўпрыгожылі будынак школы.

У беларускіх гарадах такіх выяваў павінна з’яўляцца больш, нацыянальных герояў, выдатных асобаў і адметных падзей у нашай гісторыі не бракуе. Так што пытанне толькі – у жаданні і актыўнасці мясцовых уладаў.

Уладзімір Хільмановіч, Беларускае Радыё Рацыя, фота аўтара