У Берасці распавядуць, што такое беларуская Вікіпедыя



Беларуская Вікіпедыя – сустрэча пад такой назвай пройдзе ў Берасці ўжо заўтра, 24 студзеня, у межах курсаў “Мова Нанова”. Лекцыю правядзе актывіст вікі-супольнасці Міхаіл Волчак.

Імпрэза традыцыйна пройдзе ў тайм-клубе HIGH VOLTAGE, – запрашае адна з галоўных арганізатараў курсаў Вольга Малафеечава:

– Наступная тэма будзе звязаная з кампутарамі. Да нас прыедуць распрацоўшчыкі Вікіпедыі па-беларуску. І я думаю, што гэта тэма будзе асабліва цікавая маладым людзям – паслухаць, сустрэцца. Госці абяцаюць не толькі расказаць, што яны робяць, але і навучыць чамусці.

Вольга Малафеечава звярнула ўвагу, што адна з асноўных задач курсаў “Мова-Нанова” – гэта вывучэнне беларускай лексікі і граматыкі для ўжывання і папулярызацыі яе ў паўсядзённым жыцці.

Беларускае Радыё Рацыя

[manual_related_posts]