У “Кніжным доме “Логвінаў” прайшла сустрэча з Юяй Вісландэр



Шведская дзіцячая літаратура – культавая для старэйшага пакалення беларусаў. Усе ведаюць Карлсана, які жыве на даху, і Пэпі Доўгую Панчоху. У сённяшняга пакалення свае куміры.

У сталічным “Кніжным доме “Логвінаў” прайшла сустрэча з шведскай  пісьменніцай Юяй Вісландэр – аўтаркай кніг “Мама Му”. Гаворыць мадэратарка імпрэзы Вольга Гапеева.

– Да нас прыехала шведская пісьменніца Юя Вісландэр. Нагодай стала з’яўленне чарговай кніжкі з серыі “Мама Му”. Прыйшло даволі шмат людзей, і ўсе актыўна задавалі пытанні. Гэта такі фармат для дарослых. Раней пісьменніца сустракалася з больш дзіцячай аўдыторыяй. Мы паспрабавалі закрануць больш сур’ёзныя пытанні пра тое, як пісаць, на што звяртаць увагу, як супрацоўнічаць з ілюстратарамі і пра непасрэдна ўласны досьвед Юі, якая ўжо трыццаць год з’яўляецца дзіцячай пісьменніцай.

На імпрэзе не прагучала аніводнага слова пра сённяшні стан з палітычнай свабодай у Беларусі. Аднак, наведвальнікі не спяшаліся разыходзіцца паасобку. Рухаліся да метро, прыпынкаў трамвая, аўтобуса купкамі. Каб, калі што, нехта стаўся сведкам чарговага затрымання. На гэты раз, здаецца, усё абышлося спакойна.

[Not a valid template] 

Максім Каўняровіч. Беларускае Радыё Рацыя