У Слоніме знойдзены крыжык-карсунчык XI-XIII cтагоддзяў



Падчас археалагічных раскопак каля Спаса-Праабражэнскага сабора ў Слоніме юныя археолагі разам з малодшым навуковым супрацоўнікам Інстытута гісторыі Нацыянальнай Акадэміі Навук Аляксандрам Максімовічам знайшлі каштоўны археалагічны экспанат – каменны крыжык-карсунчык XI-XIII cтагоддзяў.

Акрамя гэтага крыжыка-карсунчыка падчас раскопак выяўлена шмат керамікі, каляровага шкла, нож і іншыя рэчы.

Раскопкі каля Спаса-Праабражэнскага сабора ў Слоніме будуць працягвацца ў ліпені. Потым на гэтым месцы пачнецца будаўніцтва праваслаўнага Дома міласэрнасці.  

Барыс Баль, Беларускае Радыё Рацыя, Слонім

Фота аўтара