Ян Маўзер. Сейбітам ветру (прэм’ера!)
Праект Яна Маўзэра „Мама” прэзентуе на Tuzin.fm новы трэк – „Сеяць вецер”. Аўтарскі пасыл з нагоды прэм’еры.
Калі надыходзіць старасць? У 60, 70? Ці тады, калі знікаюць сілы для барацьбы?
Бачу зараз брата майго беларуса, які крывіцца і саркастычна ўсміхаецца, дастае з бліжэйшай палічкі мозгу слова „змагар”. Добрае слова, моцнае, ім так прыемна троліць. Глупыя-глупыя смешныя агідныя змагары. Гэтым словам зручна апраўдваць уласную ляноту, пасіўнасць, баязлівасць. А таксама ўласнае нешырокае кола інтарэсаў, якое сканчаецца на „клюб-пабухаць-пая..ацца”. Ці парадыгма „сям’я, кухня, царква” – для тых, хто вырашыў перастаць курамесіць.
„Сядзеў бы лепей дома, глядзеў парнуху”, – даваў мне парады лейтэнант у пастарунку. Такая вось грамадзянская пазіцыя супрацоўніка міліцыі. Такая вось грамадзянская пазіцыя маіх братоў-беларусаў.
Але я не пра іх. Не пра пасыўную разумную большасць. А пра нас. Наіўных змагароў, якія як костка ў горле, як аплявуха старым з маленства прыхільнікам стабільнасці. Прыхільнікам незадавання пытанняў, прыхільнікам „ня лезці, куды не трэба”.
Нас менш, але мы мацнейшыя, мы пасіянарыі. І мы заўсёды перамагаем, інакш бы Зямля дагэтуль была ў стабільным каменным веку.
[soundcloud url=”https://api.soundcloud.com/tracks/230286317″ params=”auto_play=false&hide_related=false&show_comments=true&show_user=true&show_reposts=false&visual=true” width=”100%” height=”450″ iframe=”true” /]
