«Жанчыны Другой Рэчы Паспалітай» у беларускім перакладзе



У Менску выдавецтва «Галіяфы» правяло прэзентацыю беларускага перакладу кнігі «Жанчыны Другой Рэчы Паспалітай» польскага літаратара Славаміра Копера.

Гаворыць аўтар:

– Мы глядзім на гісторыю Другой Рэчы Паспалітай як на нешта вялікае, таму што такога, каб пасля 150 гадоў няволі адрадзілася дзяржава, яшчэ не было ў гісторыі.  Шмат пісалася пра палітычныя падзеі гэтага часу, але нічога не гаварылася пра прыватнае жыццё гэтых людзей. Я лічу, што калі адарваць палітыку ад грамадска-палітычнага жыцця, то мы  нічога не зразумеем у іх паводзінах.

Славамір Копер з’яўляецца сёння адным з самых папулярных літаратараў Польшчы. Наступныя сустрэчы аўтара з беларускімі чытачамі адбудцца ў Гародні і Берасці.  

Максім Каўняровіч, Беларускае Радыё Рацыя, Менск

Фота аўтара