Жывапісцы з Беларусі ў Нью-Мексіка і Арызоне



Выйшаў чарговы, сёмы, электронны нумар газеты “Наша слова”, які рэдагуе Станіслаў Суднік. Амаль цалкам ён прысвечаны Міжнароднаму Дню роднай мовы, які будзе адзначацца 21 лютага.

З цікавасцю чытачы даведаюцца пра многія мерапрыемствы, якія адбудуцца на Гарадзеншчыне да Дня роднай мовы. Напрыклад, шырока гэты Дзень плануюць адзначаць бібліятэкі Лідчыны. Тут адбудуцца гадзіны роднай мовы, конкурсныя праграмы, бліц-турніры, гульні, гадзіны краязнаўства, літаратурныя гасцёўні, паэтычныя хвалі і г.д. І ўсе яны будуць прысвечаны роднай мове, гісторыі і літаратуры.

“Наша слова” знаёміць чытачоў з новымі вершамі Зміцера Захарэвіча пра навальніцу, сусвет, акраец хлеба і перон. Публікуюцца матэрыялы пра творчасць Валянціна Таўлая, пра мастака Напалеона Орду, першадрукара Францыска Сакарыну і іншых асобаў Беларусі.

„Welcome to the Land of Enchantment” і яго іспанскі аналаг з „Bienvenido” – такое вядомае запрашэнне для наведвальнікаў гэтага суровага маляўнічага амерыканскага штата. І гэтым запрашэннем у Нью-Мексіка скарыстаўся не адзін беларус, яўрэй і паляк з Беларусі. Пра мастакоў Леана Гаспара, Луіса Рыбака і Тамару Стагановіч таксама з цікавасцю чытачы прачытаюць у матэрыяле Алеся Сімакова.

Беларускае Радыё Рацыя

[manual_related_posts]