Зміцер Мурашка: Зафіксаваць гістарычныя сядзібы Беларусі хаця б у кнізе



Выйшла чарговая кніга „Старажытныя сядзібы Гарадзеншчыны”. 

Выданне базуецца на шматгадовых даследаваннях прафесара Анатоля Федарука. 

Агульны стан гістарычных сядзібаў Беларусі акрэсліў архітэктар Зміцер Мурашка, які ствараў схемы для кнігі:

– Пакуль мы з вамі размаўляем, я ўпэўнены, што знішчаецца якая-небудзь сядзіба, альбо гарыць, альбо разбураецца, альбо, дзякуй Богу, рэканструіруецца. На жаль, вельмі шмат сядзібаў знішчаецца. Калі я працаваў над нарысамі, аналізаваў сітуацыю з сядзібамі, то быў вельмі моцна ўражаны, што за гэтыя лічы 20-ць год, амаль палова сядзібаў страчана. Амаль 100% паркавага складу дрэваў, прысадаў, проста былі выразаныя ці страчаныя праз натуральнае запусценне ці праз гаспадарчую дзейнасць, калі расчышчалі дарогі ці паркі.

Багата ілюстраванае выданне „Старажытныя сядзібы Гарадзеншчыны” ужо даступнае ў кнігарнях.

Беларускае Радыё Рацыя