Былых сілавікоў высылаюць з Беларусі пасламі
Аляксандр Лукашэнка 19 лістапада прызначыў паслоў Беларусі ў Арменіі, Азербайджане і Кітаі, паведамляе тэлеграм-канал „Пул Першага”.
Паслом у Арменіі стаў Аляксандр Канюк, які да 9 верасня займаў пасаду генеральнага пракурора.
Беларускую дыпмісію ў Баку ўзначаліць Андрэй Раўкоў. Да 3 верасня гэтага года ён займаў пасаду дзяржсакратара Савета бяспекі, а да гэтага — міністра абароны.
Паслом у Кітаі прызначаны Юрый Сянько, які ўзначальваў да гэтага Дзяржаўны мытны камітэт.
belapan.by
