Качанава: З Расеяй былі і будзем блізкімі партнёрамі, хай не нагнятаюць



Беларусь і Расея заўсёды былі і будуць блізкімі партнёрамі. Пра гэта заявіла кіраўнік Адміністрацыі прэзідэнта Беларусі Наталля Качанава ў час сустрэчы з калектывам ААТ „Слуцкі цукрова-рафінадны камбінат”.

000020_652402_big

Супрацоўнікі камбіната задалі Наталлі Качанавай пытанне аб тым, як паўплывалі на ўзаемаадносіны дзвюх краін праблемныя сітуацыі, якія адзначаліся апошнім часам (па пастаўках прадуктаў харчавання, нафтагазавых пытаннях.).

„Сітуацыя, якая складваецца ў некаторых пытаннях (беларуска-расейскіх адносін. – Заўвага БЕЛТА), вядома, нас непакоіць. Бо мы працуем у рамках інтэграцыйных пагадненняў, якія падпісалі, і павінны іх прытрымлівацца, – сказала кіраўнік Адміністрацыі Прэзідэнта. – Беларусь заўсёды строга выконвала свае абавязацельствы ў адносінах да сваіх партнёраў”.

Кіраўнік Адміністрацыі Прэзідэнта адзначыла, што Беларусь і Расея актыўна працуюць над вырашэннем існуючых пытанняў. „Літаральна ўчора Уладзімір Сямашка быў у чарговай камандзіроўцы. Перагаворы прадаўжаюцца”, – дадала яна.

„Расея – гэта наш асноўны партнёр, гэта нашы браты. Мы цесна супрацоўнічаем у рамках інтэграцыйных працэсаў. Мы былі і будзем блізкімі партнёрамі”, – падкрэсліла Наталля Качанава.

Паводле яе слоў, у асобных СМІ раздуваюць існуючыя паміж краінамі пытанні, ускладняюць сітуацыю. „Гэтага не павінна быць. Па некаторых пытаннях сёння сапраўды існуюць праблемы, над вырашэннем якіх мы працуем самым сур’ёзным чынам”, – рэзюмавала Наталля Качанава.

belta.by