Кулеба: Лукашэнка спаліў усе масты ў адносінах з Украінай



Міністр замежных спраў Украіны Дзмітрый Кулеба пракаментаваў у інтэрв’ю латвійскаму выданню Sargs.lv апошнія заявы Аляксандра Лукашэнкі пра Крым і Украіну.

Сярод іншага, Кулеба сказаў: «Беларускі дыктатар Аляксандар Лукашэнка нядаўна заявіў, што плануе наведаць акупаваны Расеяй паўвостраў Крым. Гэтай заявай Лукашэнка значна спаліў усе масты ў адносінах з Украінай, зрабіўшы Беларусь варожай Украіне краінай. Такім чынам, калі разглядаць дэталі гэтай агульнай карціны паасобку, можа здацца, што сітуацыю яшчэ можна выправіць, але калі разглядаць гэтыя дэталі разам, то трэба прызнаць, што сітуацыя даволі трывожная. Нягледзячы на сцвярджэнні Расеі, што яна ні на кога не збіраецца нападаць, яе дзеянні гавораць значна больш, чым дзяржаўная мова Крамля».

Фота: Fabrizio Bensch/Pool via AP