Латушка заклікае Ціханоўскую ўступіць на пасаду прэзідэнта
17 дзён таму
Кіраўнік Народнага антыкрызіснага кіравання Павел Латушка заклікаў Святлану Ціханоўскую ўступіць на пасаду прэзідэнта, – перадае Радыё „Свабода”. Такая мера, на яго думку, неабходная, каб не дапусціць здачы суверэнітэту Аляксандрам Лукашэнкам.
Сустрэча Аляксандра Лукашэнкі і Уладзіміра Пуціна адбудзецца ў Маскве сёння. Паводле крыніц Паўла Латушкі, яны плануюць дамовіцца пра расейскую вайсковую базу, увод расейскага вайсковага кантынгенту ў Беларусь, увядзенне расейскага рубля.
Беларускае Радыё Рацыя
