Леанід Кучма: Наступная сустрэча будзе ў Данбасе
Удзельнікі перамоў па Украіне дамовіліся ў Менску пра запуск чатырох рабочых падгруп у межах кантактнай групы. Напярэдадні перамовы доўжыліся больш за чатыры гадзіны.
Стварэнне працоўных падгруп прадугледжана менскімі дамовамі ад 12 лютага 2015 года. Будуць працаваць чатыры рабочыя падгрупы: па бяспецы, палітычных пытаннях, пытаннях бежанцаў і гуманітарнай дапамозе, а таксама па эканамічных пытаннях.
„Наступная сустрэча будзе ў Данбасе, у зоне канфлікту, на адным з бакоў. Таму што назіранне з боку выніку не дасць”, – сказаў прадстаўнік Украіны Леанід Кучма:
– Гарматы менш 100 міліметраў адвод, танкі і мінамёты 85 міліметраў таксама адвод. Дакументы адпаведныя падрыхтаваныя, трэба цяпер працаваць працоўным групам. Прадстаўнікі бяспекі ўжо дамовіліся, што наступная сустрэча будзе на тэрыторыі гэтых зон.
У сустрэчы ўдзельнічалі прадстаўнік АБСЕ Хайдзі Тальявіні, прадстаўнікі самаабвешчаных ДНР і ЛНР Дзяніс Пушылін і Уладзіслаў Дэйна.
