Лукашэнка падпісаў указ аб новай сістэме відэаназірання



Аляксандр Лукашэнка 25 траўня падпісаў указ № 187 «Аб рэспубліканскай сістэме маніторынгу грамадскай бяспекі», які створыць цэнтралізаваную сістэму відэаманіторынгу ў Беларусі. Упаўнаважана за выкананне ўказа МУС. Пра гэта паведамляе прэс-служба прэзідэнта.

Асноўнай задачай новай сістэмы названа «назіранне за станам грамадскай бяспекі ў мэтах забеспячэння грамадскага парадку, прафілактыкі, выяўлення, раскрыцця і спынення злачынстваў, іншых правапарушэнняў, вышуку асоб, якія іх учынілі, і асоб, без вестак зьніклых, папярэджання і ліквідацыі надзвычайных сітуацый».

Для гэтага ў сістэме маніторынгу будуць функцыянаваць праграмнае забеспячэнне відэааналітыкі і спецыяльныя дэтэктары, якія дазваляюць зафіксаваць пэўныя падзеі. Плануецца стварэнне відэаархіва з магчымасцю пошуку неабходнай інфармацыі.

Мяркуецца таксама аўтаматызаванае інфармаванне дзяржорганаў сістэмы гарантавання бяспекі «пра наступ падзей, якія ўплываюць на грамадскую бяспеку». Правам атрымліваць інфармацыю, зафіксаваную сістэмай маніторынгу, надзяляюцца i iншыя суб’екты згодна з іх кампетэнцыі.

Нагадаем, рашэнне аб стварэнні Рэспубліканскай сістэмы маніторынгу грамадскай бяспекі было прынята ў сакавіку на нарадзе ў кіраўніка краіны.