МЗС Украіны выклікала пасла Казахстана пасля заявы Такаева пра Крым



Амбасадару Казахстана ва Украіне Самату Ардабаеву паведамілі пра занепакоенасць Кіева з нагоды таго, як успрымаюцца заявы прэзідэнта Казахстана Касым-Жамарта Такаева, які адмаўляў анексію Расеяй ўкраінскага Крыма, заявілі ў Міністэрстве замежных спраў Украіны, паведамляе  gordonua.com.

Гэта пазіцыя была выказаная Такаевым ў інтэрв’ю Deutsche Welle.

Як зазначае МЗС Украіны, абодва бакі пацвердзілі сваю цвёрдую прыхільнасць прынцыпам узаемнай павагі незалежнасці, дзяржаўнага суверэнітэту, тэрытарыяльнай цэласнасці і непарушнасці межаў, зафіксаваных у заключанай у 1994 Дамове аб дружбе і супрацоўніцтве паміж Украінай і Рэспублікай Казахстан.

Прэзідэнт Казахстана Касым-Жамарт Такаеў заявіў, што не называе анексіяй падзеі, якія адбыліся ў Крыме ў 2014 годзе. „Што здарылася, тое здарылася.” Анексія „- гэта занадта цяжкае слова ў дачыненні да Крыму”, сказаў ён.

Фота belnovosti.by