Прэзідэнт Польшчы з візітам у Нямеччыне
Бяспека ў Цэнтральна-Усходняй Еўропе ды надыходзячая 25 гадавіна польска-нямецкай дамовы пра двухбаковыя адносіны – гэтыя тэмы сталі галоўнымі падчас сённяшняй сутсрэчы кіраўнікоў Польшчы і Нямеччыны – Анджэя Дуды і Ёахіма Гаўка.
Анджэй Дуда і Ёахім Гаўк
Падчас супольнай прэс-канферэнцыі прэзідэнт Польшчы адзначыў важнасць польска-нямецкіх дачыненняў:
– Мы размаўлялі пра бяспеку на еўрапейскай прасторы, асабліва ў Цэнтральнай Еўропе. Мы таксама размаўлялі пра важнае для нас, як для прэзідэнтаў, 25-годдзе дамовы 1991 году, 25-годзе, якое будзе ў наступным годзе. Не маю абсалютна ніякіх сумневаў, што нашай вялікай задачай, маёй задачай з боку Польшчы, з’яўляецца пабудова стратэгічных, як найлепшых адносін з Нямеччынай.
Гэта другі афіцыйны замежны візіт новага прэзідэнта Польшчы. З першым Анджэй Дуда наведаў Эстонію.
Анна Шайкоўская, Беларускае Радыё Рацыя
Фота radiozet.pl
