Прэзідэнты Літвы, Латвіі, Польшчы і Эстоніі едуць у Кіеў



Прэзідэнты Літвы, Латвіі, Польшчы і Эстоніі едуць цягніком у Кіеў. Яны ўжо знаходзяцца ва Украіне.

„Разам да перамогі”, – напісаў па-ўкраінску ў Twitter Гітанас Наўседа.

Украіну за час вайны ўжо наведалі:

– старшыня Еўракамісіі Урсула фон дэр Ляен;

– вярхоўны прадстаўнік Еўразвязу ў пытаннях знешняй палітыкі і бяспекі Жузэп Бурэль;

– прэмʼер-міністар Славаччыны Эдуард Гегер;

– кіраўніца ўраду Літвы Інгрыда Шыманіце;

– прэм’ер-міністар Вялікай Брытаніі Борыс Джонсан;

– канцлер Аўстрыі Карл Нэгамэр;

– дырэктар МАГАТЭ Рафаэль Гросі;

– прэмʼер-міністры Чэхіі (Пэтар Фіяла), Польшчы (Матэвуш Маравецкі) і Славеніі (Янэз Янша).

Як раней паведамлялася, Прэзідэнт Германіі Франк-Вальтэр Штайнмаер хоча прыехаць у Кіеў разам з урадавымі дэлегацыямі з іншых краін ЕЗ. Але ўкраінскі прэзідэнт Уладзімір Зяленскі не хоча з ім сустракацца, бо Штайнмаер вядомы шчыльнымі сувязямі з Расеяй.

Пра гэта напісала нямецкае выданне Bild, спасылаючыся на крыніцы ва ўкраінскіх урадавых колах. На пасадзе міністра замежных спраў Германіі ён цесна кантактаваў, напрыклад, з расейскім калегам Сяргеем Лаўровым. Таксама Штайнмаер быў гарачым прыхільнікам расейскага газаправода „Паўночны паток-2”.