Рада ЕЗ канчаткова зацвердзіла бязвіз для Украіны



Рада ЕЗ зацвердзіла заканадаўчую ініцыятыву увядзення бязвізавага рэжыму для грамадзян Украіны. Гэта апошняе палітычнае рашэнне на шляху бязвізавых падарожжаў украінцаў.

Рашэнне прынялі на сустрэчы міністраў сельскай гаспадаркі і рыбалоўства ЕЗ.

Для ўвядзення бязвізавага рэжыму засталіся дзве фармальныя працэдуры: заканадаўчы акт павінен падпісаць прэзідэнт Еўрапарламента і прадстаўнік Мальты, якая цяпер старшынюе ў ЕЗ, пасля чаго яго апублікуюць у афіцыйным часопісе ЕЗ.

Рашэнне ўступіць у сілу і «бязвіз» запрацуе на 21 дзень пасля публікацыі. Падпісанне адбудзецца 17 мая.

Прэзідэнт Украіны Пятро Парашэнка ўжо павіншаваў украінцаў з гэтым рашэннем і заявіў, што паедзе ў Страсбург на ўрачыстае падпісанне заканадаўчых зменаў.

«17 мая ў Страсбургу — як мы дамовіліся з нашымі еўрапейскімі сябрамі, — урачыста падпішуць адпаведны заканадаўчы акт. Гэта, бадай, будзе адзін з найважнейшых маіх візітаў за тры гады на пасадзе прэзідэнта», — напісаў Парашэнка ў Facebook.

 Прэзідэнт Украіны будзе прысутнічаць на падпісанні ў якасці госця.

Публікацыя закона запланавана на 22 траўня, а пачатак бязвізавых паездак — на 11 чэрвеня 2017 года.

Пры гэтым у выпадку грубага і масавага парушэння правілаў бязвізавага рэжыму ЕЗ можа прымяніць механізм прыпынення.

Бі-бі-сі