Сход левых сіл адбыўся ў Берасці



На сустрэчу сабраліся прадстаўнікі Беларускай Сацыял-дэмакратычнай партыі (Грамада), партыі левых Справядлівы свет і аргкамітэтаў па стварэнню Партыі жанчын і Партыі працоўных.

Асноўным пунктам для абмеркавання стала прэзідэнцкая кампанія.

Адзін з арганізатараў сустрэчы, намеснік старшыні БСДП (Грамада) Ігар Маслоўскі патлумачыў асноўныя мэты мерапрыемства:

 – Гэта наша платформа да будучых прэзідэнцкіх выбараў – не важна ці будзе ад нашых партый прэтэндэнт, ці гэта будзе агульна-дэмакратычны кандыдат. Мы маем намер зацвердзіць сваю платформу на ўнутраным Кангрэсе левых партый і гэтую платформу прапановаць адзінаму кандыдату ці некалькім. І менавіта з гэтага пункту гледжання мы будзем падтрымліваць таго ці іншага кандыдата.

Акрамя таго, на сустрэчы былі абмеркаваныя сацыяльна-эканамічныя праблемы краіны і шляхі іх актуалізацыі ў публічнай прасторы.

Беларускае Радыё Рацыя, Берасце