Ціханоўская: Чарнобыль – гэта трагедыя, якая з’яднала нашы народы
Святлана Ціханоўская разам з амбасадарам ЗША ў Беларусі Джулі Фішэр, амбасадарам Польшчы ў Беларусі Артурам Міхальскім, паслом Літвы ў Беларусі Андрусам Пулокасам і трэцім сакратаром амбасады Украіны Дзмітрыем Сяровым усклала кветкі да помніка «Маці Чарнобыля» у Вільні, паведамляе тэлеграм-канал Ціханоўскай.
Гэты жэст прымеркаваны да 35-годдзя Чарнобыльскай катастрофы, якая адбылася 26 красавіка.
Святлана Ціханоўская адзначыла, што „Чарнобыль – гэта трагедыя для нашых краін. Яна з’яднала нашы народы – каб мы памяталі пра Чарнобыль і больш ніколі не дапусцілі такіх жудасных памылак ».
Беларускае Радыё Рацыя
Фота: t.me/tsikhanouskaya
