У 2020 годзе ў свеце загінула 50 журналістаў
У 2020 годзе загінула 50 журналістаў, большасць з якіх страцілі жыццё ў мірных краінах, паведамляе арганізацыя «Рэпарцёры без межаў» у сваім штогадовым дакладзе, апублікаваным у аўторак.
Больш за ўсё забойстваў журналістаў было ў наркакартэлях Мексікі – восем, а таксама ў Індыі і Пакістане (па чатыры забойствы), Філіпінах і Гандурасе (па тры). Мяркуецца, што большасць ахвяр страцілі жыццё ў выніку наўмысных дзеянняў трэціх асоб. «Некаторыя з іх былі забітыя асабліва па-варварску», – падкрэсліла арганізацыя. У Індыі журналіст Ракеш Сінгх, які расследаваў карупцыю мясцовых уладаў, быў спалены жыўцом. Сямнаццаць ахвяр былі журналістамі-следчымі, 10 з якіх займаліся справамі карупцыі, чатыры – арганізаванай злачыннасцю і тры – пагаршэннем стану навакольнага асяроддзя. Сем журналістаў былі забітыя пасля паведамленняў пра пратэсты ў Іраку, Нігерыі і Калумбіі.
Усяго з 1990 года, калі «Рэпарцёры без межаў» пачалі публікаваць свае рэпартажы, памерла 2658 журналістаў.
Беларускае Радыё Рацыя
