У Лідзе адбылася сустрэча Наталлі Качанавай з прадстаўнікамі грамадскага сектара



У Лідзе адбылася сустрэча старшыні Савета Рэспублікі Нацыянальнага сходу Наталлі Качанавай з прадстаўнікамі грамадскай супольнасці. З усіх запрошаных грамадскіх актывістаў Лідчыны на сустрэчу прыйшлі не болей за 30 чалавек. Сустрэча праходзіла ў фармаце дыялогу.

На думку Вітольда Ашурка, аднаго з яе найбольш актыўных удзельнікаў, на такія сустрэчы варта хадзіць і трэба задаваць прадстаўнікам вышэйшых эшалонаў улады нязручныя для іх пытанні на злабадзённыя тэмы.

– Няўдзел у гэтым дыялогу развязвае рукі прапагандзе. І прапаганда заявіць пра тое, што сустракаліся, гаварылі пра ходнікі, ямы на дарогах. Маўляў, рэгіёны нічога больш не клапоціць. Рэгіёны зараз надзвычай палітызаваныя. І вось гэты мэсідж трэба данесці і таму боку грамадскага канфлікту і трэба нашым людзям данесці. Мы былі там, мы задавалі нязручныя пытанні і акрэслілі сваю пазіцыю.

Сустрэча ў Лідзе, гэта ўжо трэцяя падобная сустрэча Наталлі Качанавай з прадстаўнікамі грамадскага сектару беларускіх рэгіёнаў. Папярэднія дзве адбываліся ў Баранавічах і Пінску.

Цалкам запіс сустрэчы з Наталляй Качанавай:

Андрэй Панямонаў, Беларускае Радыё Рацыя