Уладзімір Някляеў: Я нікому не дазволю зруйнаваць Рух



Сябры Руху “За дзяржаўнасць і незалежнасць” абураны дзеяннямі старшыні Руху Уладзіміра Някляева. Ён падтрымаў Кангрэс дэмсілаў і паехаў у Брусэль ад імя Руху.

2000ACB6BF799A3A393BD149617C632C65F3EAAD39984D81A8pimgpsh_fullsize_distr

У той час, як радай гэтай арганізацыі было прынятае рашэнне аб няўдзеле ў праекце Мікалая Статкевіча па аб’яднанні дэмакратычных сілаў, бо ён перахапіў іхнюю ініцыятыву. Гаворыць сябра рады Алесь Мех (на фота справа):

– На гэтым кангрэсе не вырашылі ніводнага пытання, не далі ніводнага адказу  менавіта зараз, калі ў краіне эканамічны крызіс, калі краіна стаіць перад чарговымі псеўдавыбармі. Яны проста стварылі нейкія арганізацыйныя структуры і адразу адправіліся ў Брусэль. Пасля кожнай паездкі яны мусяць даваць справаздачу, чым яны там займаліся.

Паводле Меха, гэтага не адбылося. 30 траўня ў пратэст дзеянням Някляева падалі заявы выхаду з Руху “За дзяржаўнасць і незалежнасць” каардынатар Язэп Бурко і намеснік старшыні Дзмітры Вінаградаў.

cms-image-000057914

“У гэтую дыскусію ўваходзіць не збіраюся, бо за ёю нічога не стаіць”, –  заявіў у нашым эфіры Уладзімір Някляеў:

– Апроч даўніх асабістых прэтэнзій некалькіх чалавек да асобы Мікалая Статкевіча –  ініцыятара правядзення Беларускага нацыянальнага кангрэсу. Яны лічаць яго чалавекам, з якім сёння нельга мець справу. А я лічу, што калі сёння і можна з нейкім мець справу, то толькі з ім. Хаця б па той прычыне, што пасля размовы пра тое, як супрацьстаяць пагрозе страты нашай дзяржавай незалежнасці, ён не пабяжыць да нейкага куратара з КДБ ці з расейскага ФСБ, каб дакласці, што і як мы збіраемся рабіць.

Уладзімір Някляеў добра ставіцца і да Алеся Меха, і да кожнага, хто ўвайшоў у склад Руху “За дзяржаўнасць і незалежнасць”. Але, калі нехта з іх незадаволены – не трымаем, кажа палітык, які ўжо, паводле ўласнага прызнаньня, стаміўся ад разборак. Тым больш, нікому не дазволю зруйнаваць свой Рух:

– Каля 15 гадоў таму быў праведзены І Усебеларускі сход за незалежнасць Беларусі. Сярод яго ініцыятараў былі мае даўнія сябры, тыя, якія на жаль ужо адышлі – паэты Рыгор Барадулін і Генадзь Бураўкін. Рух “За дзяржаўнасць і незалежнасць” я пачаў ствараць у працяг рашэння таго гістарычнага сходу, каб супрацьстаяць пагрозе страты дзяржаўнасці і незалежнасці. Цяпер гэтая пагроза відавочная, і я нікому не дазволю зруйнаваць Рух, скіраваны на яе прадухіленне.

Сябра рады Руху “За дзяржаўнасць і незалежнасць” Алесь Мех выступіў з заявай, што Уладзімір Някляеў з асабістай ініцыятывы удзельнічаў у Кангрэсе дэмакратычных сіл, маўляў, рада Руху забараніла яму прымаць удзел і рабіць заявы ад імя арганізацыі.

Беларускае Радыё Рацыя

Фота Радыё Рацыя і gs.by

  • Anonim

    Ініцыятарам стварэння Руху “За дзяржаўнасць і незалежнасць” быў Алесь Мех і яго.паплечнікі. На той момант Някляеў быў, напэўна, яшчэ ў „Гавары праўду”, а Статкевіч ў турме. Тады лагічна Някляеву і Статкевічу стварыць штосьці сугуба сваё – тыпа „На барыкады!”

  • http://facebook.com/profile.php?id=100000641676726 Anatol Starkou

    Беларус без свайго прыватнага руху ці прыватнай партыі, што той бяздомны сабака без блох.
    Ні ў Брусэль падацца, ні ў кангрэс, і нават дэмакратычны камітэт не створыш.

    САБАЧЫ КАМІТЭТ

    Нейкія Cабакі
    Ходзяць абы дзе.
    Здаецца пэцнуў бы пад сраку,
    Каб не стваралі Камітэт.

  • Anonim

    Вось як: „я пачаў ствараць …, каб супрацьстаяць пагрозе страты дзяржаўнасці і незалежнасці. Цяпер гэтая пагроза відавочная, і я нікому не дазволю зруйнаваць Рух”(!) Прабачце, паважаны, але пагроза гэта была вiдавочная яшчэ ў 2014, калi спадар Някляеў праiгнарваў запрашэн’не на кангрэс За Незалежнасць, на якiм, дарэчы, Рух i быў створаны. http://www.racyja.com/palityka/usebelaruski-kangres-za-nezalezhnasts/ Яшчэ полгода пасля таго кангрэса с.Някляеў краваў „Гавары праўду”. Дакiраваў, вядома да чаго… A зараз за кiраўнiцтва Рухам прыняўся? Баранi Божа!

Комментарии для сайта Cackle