У Гародні памёр Казімір, сын вялікага князя ВКЛ Казіміра IV Ягелончыка, патрон Гарадзенскага біскупства. Быў пахаваны ў віленскім катэдральным саборы (капліца Сьв. Казіміра). Быў кананізаваны ў 1521. Дзень Сьвятога Казіміра.

1503

Паміж ВКЛ і Масковіяй быў падпісаны мір на 6 гадоў. Паводле яго да Масквы адышло 29 гарадоў і 70 воласьцяў, у тым ліку Чарнігаў, Бранск, Старадуб, Гомель.

1609

2-тысячнае войска на чале з гэтманам Янам Хадкевічам штурмам узяло горад Пярну (цяпер Эстонія), які абараняў швэдзкі гарнізон.

1685

Памёр Якуб Суша (нар. у 1610), рэлігійны і грамадзкі дзеяч, пісьменьнік ВКЛ.

1812

Памёр Яўхім Храптовіч, грамадзкі, палітычны, дзяржаўны дзеяч ВКЛ, магнат, публіцыст, паэт, перакладнік.

1890

У мяст. Гальшаны (Ашмянскі р-н) нарадзіўся Вінцук Адважны (сапр. Язэп Германовіч), беларускі каталіцкі сьвятар, пісьменьнік, паэт, дзеяч эміграцыі (Італія, Вялікабрытанія).

1911

У маёнтку Лужкі (Шаркоўшчынскі р-н) нарадзіўся Васіль Стома, беларускі пісьменьнік, грамадзкі дзеяч эміграцыі (ЗША).

1927

У в. Востраў (Пінскі р-н) нарадзіўся Міхась Дубянецкі, беларускі грамадзкі дзеяч, кнігавыдавец, публіцыст, перакладнік.

1942

Каля вёскі Беразьвечча (у межах Глыбокага) былі расстраляныя гестапаўцамі 20 парафіянаў, Мечыслаў Багаткевіч, Уладыслаў Мацьковяк і Станіслаў Пыртак, каталіцкія рэлігійныя дзеячы. Былі бэатыфікаваныя 13.6.1999.

1956

Выйшаў першы нумар газеты “Ніва”, тыднёвіка беларусаў у Польшчы.

1992

Падпісана пагадненьне пра ўсталяваньне дыпламатычных стасункаў паміж Польшчай і Рэспублікай Беларусь.

2004

Памёр Міхась Навумовіч, дзеяч беларускай эміграцыі (Францыя).

2005

Памёр Карлас Шэрман, беларускі пісьменьнік, перакладнік, грамадзкі дзеяч.

2008

У Вільні памерла Вера Спарычанка-Шостак, настаўніца, актывістка беларускага руху.

Сёння

Слухайце таксама: Даты тыдня