“Абаронім апошнюю беларускую школу” – рэпартаж Яўгена Скрабца
12 месяцаў таму
Камянеччына – край багаты на выбітных асобаў, на помнікі прыроды і гісторыі. У сталіцы рэгіёну месціцца старадаўняя Камянецкая вежа, а на поўначы ад яе раскінулася Белавежская пушча. З Такароў паходзіў навуковец і рухавік беларусізацыі 20-х-30-х гадоў Усевалад Ігнатоўскі, з Шастакова – апошні дыктатар Паўстання 1863 году Рамуальд Траўгут. Нават кароль Станіслаў Аўгуст Панятоўскі, пры якім падзялілі Рэч Паспалітую, быў ураджэнцам тутэйшага Воўчына. Ёсць тут і свая беларускамоўная сярэдняя школа, у вёсцы Амелянец. Апошняя ў рэгіёне, якая неўзабаве можа знікнуць, калі яе не абароняць.
