Арына Сабаленка прызнана навічком года ў WTA
Вядучая беларуская тэнісістка Арына Сабаленка прызнана навічком года ў Сусветнай тэніснай асацыяцыі (WTA).
Арына Сабаленка ў 2018 годзе змагла з другой сотні сусветнага рэйтынгу выйсці ў топ-20 лепшых гульцоў свету. У актыве беларускі ў гэтым сезоне перамогі на турніры ў Нью-Хейвене (ЗША) і Ухане (Кітай).
Найбольш прагрэсіруючым іграком WTA прызнала Кікі Бертэнс з Нідэрландаў, у намінацыі „Вяртанне года” перамагла Серэна Уільямс з ЗША, якая аднавіла кар’еру пасля нараджэння дачкі.
Фота mundodeportivo.com
