Азаранка – у ліку самых папулярных спартовак у 2019 годзе па версіі ESPN
Беларуская тэнісістка Вікторыя Азаранка ўвайшла ў лік самых папулярных спартовак у 2019 годзе, паводле версіі амерыканскага тэлеканала ESPN.
Менчанка заняла 15-е месца. Першы радок у топ-лісце ў другой прадстаўніцы вялікага тэніса Серэны Уільямс. На другой пазіцыі расіянка Марыя Шарапава, а на трэцяй – Саня Мірза з Індыі.
Рэйтынг складаўся на падставе трох паказчыкаў: статыстыкі запытаў у Google, даходзе і колькасці падпісчыкаў у акаўнтах спартсменак у сацыяльных сетках.
Вікторыя Азаранка таксама запрошана прыняць удзел у штогадовым прафесійным камандным тэнісным турніры World TeamTennis. Беларуска згуляе за каманду Orange County Breakers. Турнір пройдзе з 14 па 31 ліпеня.
