Іван Баранчык перамог у рэйтынгавым баі сярод баксёраў прафесіяналаў у ЗША



Беларус Іван Баранчык перамог у рэйтынгавым баі сярод баксёраў прафесіяналаў аднагалосным рашэннем суддзяў амерыканца Кінана Сміта.

Паядынак у вагавой катэгорыі да 63,5 кг адбыўся ў Маямі. Беларускі баксёр правёў некалькі дакладных удараў у пачатку паядынку і аж да заканчэння бою ў восьмым раўндзе кантраляваў сітуацыю на рынгу. У выніку арбітры аддалі яму аднагалосную перамогу – 80:71, 78:7, 79:72. У лютым бягучага года ён перамог яшчэ аднаго моцнага байца ў гэтай вагавой катэгорыі Абеля Рамаса з ЗША.

„З кожным боем набліжаюся да пастаўленай мэты – пояс чэмпіёна свету. Паядынак з Кінанам Смітам выдаўся нялёгкі, ён таксама не пацярпеў ніводнага паражэння, і пачуцці разгарэліся, але ў гэтым хаосе, які панаваў на рынгу, спрабаваў кантраляваць сябе, магчыма, штосьці я рабіў не так, але я стараўся з усіх сіл”, – адзначыў беларускі баксёр.

На прафесійным рынгу Іван Баранчык правёў 17 баёў, дзесяць з якіх завяршыў накаўтам. Беларускі баксёр не пацярпеў са старту кар’еры ніводнага паражэння. На думку амерыканскіх прамоўтараў, ён можа стаць другім Артура Гаці і дабіцца значных перамог на прафесійным баксёрскім рынгу.

belta.by