Каля 5 тысяч удзельнікаў чакаюць у Менску на Сусветнай шахматнай алімпіядзе



Каля 5 тысяч удзельнікаў чакаюць на 45-й Сусветнай шахматнай алімпіядзе, якая пройдзе ў Менску ў 2022 годзе, паведаміла на прэс-канферэнцыі старшыня Беларускай федэрацыі шахмат Анастасія Сарокіна.

– У Батумі нядаўна завяршылася 43-я шахматная алімпіяда, там сабралася 4 тыс. удзельнікаў. З іх спартсменаў 2 тыс. Колькасць краін-удзельніц была рэкорднай: у мужчынскі дысцыпліне гулялі 185 каманд. Сёння ў ФІДЭ ўваходзяць 189 нацыянальных асацыяцый, але іх склад штогод пашыраецца. Не выключаю, што ў Мінск ў 2022 годзе прыедуць шахматысты з 200 дзяржаў і па колькасці ўдзельнікаў мы наблізімся да 5 тыс. Прынамсі, такія мэты будзем ставіць перад сабой, – адзначыла Анастасія Сарокіна.

Пляцоўкай шахматнай алімпіяды стане канькабежны стадыён спарткомплексу «Мінск-Арэна». Беларусь як краіна – арганізатар форуму зможа выставіць па 3 каманды ў кожнай з дысцыплін: мужчынскі і жаночай.

Беларусь упершыню атрымала права на правядзенне Сусветнай шахматнай алімпіяды. Такое рашэнне прыняла Генеральная асамблея Міжнароднай шахматнай федэрацыі (ФІДЭ) у Батумі, дзе з 23 верасня па 6 кастрычніка адбылася 43-я шахматная алімпіяда. Жаночая зборная Беларусі здолела заняць 18-е месца сярод 150 каманд. Мужчынская каманда выступіла крыху горш і размясцілася на 30-й пазіцыі сярод 185 калектываў.

minsknews.by