Лізавета Дорц заваявала 7-ы медаль зборнай Беларусі на Юнацкай Алімпіядзе



Беларуская спартсменка Лізавета Дорц заваявала сярэбраны медаль у штурханні ядра на III летніх Юнацкіх Алімпійскіх гульнях у Буэнас-Айрэсе, паведамілі ў прэс-службе НАК.

Лізавета Дорц паказала другі вынік у двух раўндах: 12 кастрычніка яна штурхнула ядро ​​на 17 м 60 см, 15 кастрычніка – на 17 м 53 см. З сумай 35 м 13 см беларуская лёгкаатлетка стала другой, саступіўшы толькі кітаянцы Синьхой Лі (36 м 75 см). Бронзавы медаль дастаўся паўднёваафрыканскай спартсменцы Дэйн Рэтс (34 м 64 см).

Пасля завяршэння спаборніцтваў Лізавета Дорц сказала, што вельмі незадаволеная вынікам, але шчаслівая, што ёсць медаль. Паводле яе слоў, першы этап яна правяла нядрэнна, другі – жахліва, разлічвала на больш высокі вынік.

17-гадовая Лізавета Дорц нарадзілася ў Докшыцах. У гэтым годзе перамагала на алімпійскіх днях моладзі. У Буэнас-Айрэсе працуе з трэнерам Ігарам Варанцовым.

Для зборнай Беларусі гэта сёмая ўзнагарода Гульняў у Буэнас-Айрэсе (1 золата, 3 сярэбраныя, 3 бронзавыя). Яшчэ два медалі беларускія атлеты заваявалі ў складзе інтэрнацыянальных каманд (1, 0, 1).

Змаганні ў аргентынскай сталіцы завершацца 18 кастрычніка.

zviazda.by

Фото: noc.by