Міністэрства спорту і БФБ стварылі „брыгаду заўзятараў”
Міністэрства спорту і турызму разам з федэрацыяй баскетбола вырашылі папулярызаваць гэты від спорту, стварыўшы „брыгаду заўзятараў”.
Пра гэта распавёў кіраўнік федэрацыі баскетбола Максім Рыжанкоў. Ён паведаміў, што ў „брыгаду заўзятараў” ўвайшлі 50 чалавек. Стварыць такую групу ён дамовіўся на сустрэчы з міністрам спорту Аляксандрам Шамко. „Брыгаду” склалі студэнты Беларускага дзяржаўнага ўніверсітэта фізкультуры. Іх бяруць на міжнародныя матчы клубаў і зборных. Рыжанкоў паведаміў, што заўзятарам прапанавалі „меры матывацыі”, але ўжо відаць, што яны захапіліся гульнёй, піша „Прэсбол„.
Кіраўнік федэрацыі баскетбола разлічвае, што наяўнасць такой брыгады дазволіць павялічыць наведвальнасць матчаў.
