Прайшоў чацвёрты роварны марафон “Суседзі-2014”



За 30 кіламетраў ад Гародні, са шлюза Дамброўка Аўгустоўскага канала прайшоў чацвёрты міжнародны роварны марафон “Суседзі-2014”. Больш за 700 удзельнікаў з Беларусі, Польшчы і Расеі прыняло ў ім удзел.

Актыўны ўдзел у арганізацыі спаборніцтваў прынялі дзясяткі гарадзенскіх раварыстаў-аматараў як валанцёры:

–   Трэба дапамагчы, паспеецца яшчэ.

–   Напэўна, гэта лепш, чым сядзець ля камп’ютара ці тэлевізара, што і робіць наша моладзь. Я думаю, што вось такі актыўны адпачынак больш патрэбны як для здароўя, так і для развіцця нашага маладога і сталага пакалення таксама.

Для наймалодшых (да шасцігадовага ўзросту) удзельнікаў валанцёрамі  быў падрыхтаваны дзіцячы заезд. Гарадзенскія майстры на мерапрыемстве прапанавалі для набыцця адмысловы пернік з лагатыпам марафону “Суседзі-2014”.

Якуб Сушчынскі, Беларускае Радыё Рацыя

Фота аўтара