„Шахцёр” узяў срэбра, менскае „Дынама” з бронзай



2 снежня завяршыўся футбольны чэмпіянат Беларусі. У 30 туры ўсе сустрэчы гуляліся ў адзін дзень і час. Задоўга да фінішу залатыя медалі забяспечылі сабе футбалісты барысаўскага БАТЭ. 

У апошні дзень вызначаліся ўладальнікі іншых узнагарод, а таксама яшчэ адзін клуб, які пакіне вышэйшую лігу.

Салігорскі „Шахцёр” у заключным туры разграміў на сваім полі ФК „Мінск” – 4:0 і заваяваў срэбра першынства.

Менскае „Дынама” таксама не мела асаблівых праблем у сталічным дэрбі, адолеўшы „Тарпеда” 3:0. У дынамаўцаў сярэбраныя медалі чэмпіянату.

Яшчэ адзін прэтэндэнт на п’едэстал ФК „Віцебск” таксама ўзяў тры ачкі ў Гомелі – 3:1, аднак гэта не дазволіла камандзе Сяргея Ясінскага ўзняцца вышэй 4-га месца.

Менскі „Прамень” непасрэдна змагаўся з „Смалявічамі” за месца пад сонцам. Смалявіцкія футбалісты былі доўна наперадзе 1:0, аднак гол Дзмітрыя Асіпенкі на 78-й хвіліне перакрэсліў іх надзеі – 1:1. Менавіта „Смалявічы” сталіся „другой лішняй” камандай ў закрутцы трох клубаў.

Іншыя вынікі 30 тура:

„Нёман” (Гародня) – „Дынама” (Берасце) – 0:3;

„Тарпеда БелАЗ” (Жодзіна) – БАТЭ – 2:2;

„Гарадзея” – ФК „Слуцк” – 2:0;

„Іслач” – „Дняпро” (Магілёў) – 3:2. Цягам сустрэчы гаспадары саступалі 0:2, пасля чаго хет-трык здзейсніў Дзмітрый Камароўскі.

Выніковая турнірная табліца:

1. БАТЭ – 73 ачкі

2. „Шахцёр” – 64

3. „Дынама” Мн – 63

4. ФК „Віцебск” – 62

5. „Тврпеда-БелАЗ” – 55

6. „Дынама” Бр – 52

7. „Нёман” – 43

8. ФК „Слуцк” – 36

9. ФК „Гарадзея” – 34

10. „Іслач” – 33

11. ФК „Мінск” – 30

12. ФК „Гомель” – 28

13. „Прамень” – 24

14. „Тарпеда” Мн – 24

15. „Смалявічы” – 24

16. „Дняпро” – 16.

Беларускае Радыё Рацыя