У Гародні адбыўся турнір па міні-футболе імя Святога Юзафа



У чацвёрты раз у Гародні адбыўся моладзевы турнір па міні-футболе імя Святога Юзафа, удзел у якім традыцыйна прымаюць каманды мясцовых парафій. Сёлета перамогу святкавала каманда парафіі Найсвяцейшага Адкупіцеля, якая ўпэўнена выйграла ўсе гульні.

mgo1111

Другое месца заняла каманда з парафіі Божай Міласэрнасці, на трэцім – футбалісты з парафіі Беззаганнага Зачацця Найсвяцейшай Марыі Панны.

[Not a valid template]

На думку адказнага за развіццё спорту ў Гарадзенскай дыяцэзіі ксяндза Артура Малафея, апошнім часам падобныя турніры прыцягваюць усё большую ўвагу моладзі:

– У Гарадзенскай дыяцызіі бачым такі напрамак працы – праз спорт. Моладзь вучыцца не толькі разумець хрысціянскае слова, але, каб чалавек разумеў у сваім штодзённым жыцці, што трэба заставацца веруючым у кожным месцы таксама і на спартыўнай пляцоўцы. 

Турнір па міні-футболе імя Святога Юзафа – далёка не адзіныя спаборніцтвы, зарганізаваныя для каталіцкай моладзі ў Гарадзенскай дыяцэзіі.

Цяпер адбываюцца гульні ў парафіяльнай міні-футбольнай лізе, а ў другой палове чэрвеня ў Гародні пройдзе традыцыйная парафіяда, на якой футбольны турнір ладзіцца ў некалькіх узроставых катэгорыях.

Беларускае Радыё Рацыя