Юніёрская зборная Беларусі па хакеі (U-18) перамагла Латвію на ЧС



Юніёрская зборная Беларусі па хакеі (U-18) перамагла Латвію з лікам 2:0 (0:0, 1:0, 1:0) на чэмпіянаце свету ў топ-дывізіёне ў Славакіі.

У серыі да дзвюх перамог за права застацца ў элітнай групе сусветнага хакея беларусы першы матч правялі ўпэўнена, не дапусціўшы памылак у абароне. Лік у сустрэчы быў адкрыты на 39-й мінуце дзякуючы дакладнаму кідку нападаючага Ігара Мартынава. Вырашальная шайба была закінута ў вароты латвійцаў на 60-й мінуце. Сапернікі змянілі варатара на 6-га палявога іграка, але не змаглі зраўнаваць лік. У выніку Уладзіслаў Яроменка паразіў пустую рамку варот – 2:0.

Другі паядынак у серыі да дзвюх перамог адбудзецца 21 красавіка.

У групавой стадыі турніру падапечныя Юрыя Файкова ўступілі ў чатырох матчах ЗША (0:7), Чэхіі (4:7), Швецыі (2:3) і Расеі (1:4) і занялі 5-е месца.

belta.by