Беларуская акцыя ў Кіеве: “Рукі прэч ад Беларусі і Украіны!”



Акцыя супраць увядзення расейскіх войскаў на тэрыторыю Беларусі прайшла ва Украіне.

Удзельнікі сустрэліся каля амбасады Расеі ў Кіеве, агучылі свой погляд на сітуацыю, а на завяршэнне паклалі плакаты і іншыя сімвалічныя “падарункі” каля брамы ўстановы. “Такая нашая пазіцыя”, – зазначыў арганізатар мерапрыемства Альгерд:

– Уся міжнародная супольнасць прызнае, што тыя так званыя вучэнні, якія праводзіць Расея на тэрыторыі Беларусі, калі прыбудзе 200 эшалонаў з расейскай тэхнікай і вайскоўцамі, могуць стаць фактычна акупацыяй Беларусі, калі пасля вучэнняў яны не выйдуць з тэрыторыі Беларусі. Гэтыя войскі могуць быць задзейнічаны супраць Украіны для нанясенні ўдара па Кіеву з тэрыторыі Беларусі. Таму сёння мы пратэстуем.

Такія ж акцыі плануюцца ў хуткім часе ў Варшаве і Вільні – у гарадах, дзе беларуская дыяспара насамрэч вялікая.

Марына Савіцкая, Беларускае Радыё Рацыя

[manual_related_posts]