«Кірмаш зубра» ў Гайнаўцы



У гарадскім парку ў Гайнаўцы прайшоў ХІІКірмаш зубра”. У час мерапрыемства можна было сустрэцца з багатай прапановай рэгіянальнай кухні. Сваё мастацтва прэзентавалі народныя майстры ды рамеснікі ў першую чаргу з рэгіёна Белавежскай пушчы. Свае стэнды мелі таксама майстры з Беларусі, сярод якіх была і народная майстрыха па выцінанцы Вольга Бабурына:

Вельмі добрыя ўражанні ад гэтага свята, ад арганізацыі, ад людзей, якія прыходзяць і цікавяцца працамі. Яны не пытаюцца, што гэта такое. Яны толькі пытаюцца, адкуль я. Калі я кажу, што прыехала з Маладэчна, з Беларусі, то яны, канешне, дзівяцца. Ім вельмі прыемна, што нават з такіх далёкіх краёў сюды прыязджаюць. У мяне вельмі шмат свежых прац. Асноўны асартымент – выцінанкі, бо я працую чыста з выцінанкай, у іншых формах на кірмашах я не прадстаўляю яе.

У час мерапрыемства праходзілі шматлікія канцэрты, між іншым Старога Ольсы”. Традыцыяй тут ёсць, што народныя калектывы даюць міні-канцэрты сярод стэндаў ды наведвальнікаў, што вельмі даспадобы турыстам. Сёлета можна было сустрэцца таксама з Томашам Самойлікам аўтарам коміксаў пра Белавежскую пушчу, якія таксама можна прачытаць на беларускай мове. Галоўная мэта Кірмашу зубра гэта прамоцыя Гайнаўкі ды рэгіёна Белавежскай пушчы.

Давід Гайко, Беларускае Радыё Рацыя

Фота аўтара