На Падляшшы адзначаць сотую гадавіну Бежанства



Навукова-папулярная канферэнцыя, фільм і інсцэніроўкі падзеяў стогадовай даўніны – так сябры Беларускага гістарычнага Таварыства плануюць адзначыць сотую гадавіну найбуйнешага зыходу пачатку ХХ стагодздзя на Падляшшы  – Бежанства.

Планы па ўшанаванні гэтай гадавіны і ляглі ў аснову справаздачна-выбарчага сходу Беларускага гістарычнага таварыства, які прайшоў вечарам ў Беластоку.  ГРасказвае новаабраны старшыня таварыства прафесар Алег Латышонак:

-Мы хочам зладзіць канферэнцыю. Хочам выдаць кнігу пра бежанства на польскай мове. Гаварылі пра тое, што і фільм пра гэта варта зрабіць. Збіраемся падрыхтаваць і рэлігійныя мерапрыемствы.

Прафесар Алег Латышонак  лічыць, што для беларусаў Беласточчыны бежанства – гэта найважнейшая падзея ХХ стагоддзя.

Сотая гадавіна Бежанства спаўняецца ў наступным 2015 годзе.

Валянціна Лаеўская, Беларускае Радыё Рацыя

Фота cyclowiki.org