Новы спектакль на мясцовым дыялекце



Чарговы спектакль на дыялекце беларускай мовы можна будзе паглядзець ужо у гэтым месяцы. Маладая акцёрка і стваральніца тэатра „Чрэва” Яанна Троц рыхтуе манадраму, ная якую яе натхніла жыццё падляшскіх святых – „юродзівых”.

“Ксэня” – так гучыць назва спектаклю, які паўстаў на аснове тэксту Тамары Болдак-Яноўскай.

Кажа Яанна Троц:

Гэта натхненне жыццём святой Ксеніі Пецярбургскай. Гэта будзе новы спектакль тэатра “Чрэва” ў маім выкананні. Гэта манадрама на аснове тэксту Тамары Болдак-Яноўскай і перакладзе на дыялект, на якім яна вырасла.

Музыку да новага спектакля Яанны Троц “Ксэня” напісаў Ягор Забелаў. Прэм’ера спектаклю адбудзецца  27 верасня ў камеральнай зале Падляшскай Оперы і Філармоніі ў Беластоку. На рэалізацыю спектакля акцёрка атрымала стыпендыю ад прэзідэнта Беластока.

Уля Шубзда, Беларускае Радыё Рацыя, Беласток

Фота  szczyty.org

  • https://www.facebook.com/app_scoped_user_id/1038480072859525/ Adam Sewastianowicz

    А дзе можна набыць квіткі на гэты спэктакль? У рэпэртуары на старонцы Опэры і Філярмоніі яго не знайшоў.

Комментарии для сайта Cackle