Пасол Польшчы прысутнічаў на асвячэнні надмагілляў Каталіцкіх могілак Берасця
Асвячэнне надмагілляў і невялікая экскурсія адбылася на Каталіцкіх могілках Берасця.
Нягледзячы на тое, што некропаль ХІХ стагоддзя, што месціцца па вуліцы Пушкінскай, мае статус гісторыка-культурнай каштоўнасці і ахоўваецца дзяржавай, некаторыя з тамтэйшых надмагілляў патрабавалі аднаўлення.
Кажа пасол Рэспублікі Польшча ў Менску Конрад Паўлік:
– Я вельмі рады, што прысутнічаю сёння на ўрачыстым мерапрыемстве асвячэння грамадзянскіх і ваенных надмагілляў, якія былі адрэстаўраваныя за кошт сродкаў Польскага Сенату і Міністэрства культуры і нацыянальнай спадчыны Рэспублікі Польшча.
Сярод прысутных на мерапрыемстве былі прадстаўнікі дыпламатычных місіяў, мясцовых уладаў, духавенства і польскай нацыянальнай меншасці. Апроч рэкансрукцыі надмагілляў, з фінансавай дапамогай Рэспублікі Польшча, была падрыхтавана і выдадзена брашура аўтарства краязнаўцы Івана Чайчыца па гісторыі некропалю.
Мікола Ляшкевіч, Беларускае Радыё Рацыя, Берасце
Фота аўтара.
Цалкам гук слухайце ў далучаным аўдыёфайле.