Польскія шахцёры заблакавалі пастаўкі вугалю на электрастанцыі
У Польшчы шахцёры на знак пратэсту заблакавалі пастаўкі вугалю на электрастанцыі, паведамляе агенцтва РАР.
Двухдзённы пратэст арганізавалі прафсаюзы шахцёраў, якія працуюць у найбуйнейшай у краіне Польскай горназдабыўнай групе. У канцы мінулага года такая акцыя працягвалася суткі.
Шахцёры дамагаюцца выплаты кампенсацый за перапрацоўкі з пачатку жніўня мінулага года і павышэння заробкаў. Агульная сума, якая неабходная на рэалізацыю патрабаванняў пратэстоўцаў, складае каля 140 мільёнаў злотых.
Наступны раўнд перамоў пройдзе 10 студзеня.
Беларускае Радыё Рацыя
