Стартуе праграма «Сям’я 500 плюс»
З 1 красавіка пачынаецца прыём заявак на дафінансаванне для мнагадзетных сем’яў . У межах праграмы «Сям’я 500 плюс» на кожнае другое і чарговае дзіця польская дзяржава заплаціць штомесяц 500 злотых. Такія сродкі на першае дзція атрымаюць таксама незаможныя сем’і, у якіх даход на адну асобу не перавышае 800 злотых. На што прызначаць беластачане дадатковыя грошы, правяраў наш карэспандэнт Лукаш Леанюк:
– Хацела б пакласці на рахунак і выкарыстаць на будучае дзяцей.
– Буду класці на рахунак для дзяцей.
– Выкарыстаю на рэабілітацыю, лячэнне і на школу.
– На бягучыя выдаткі.
У Беластоку са сродкаў у межах праграмы “500+” скарыстаюцца 14 тысяч сямей. Кожны месяц беластоцкі магістрат выплаціць каля 9 мільёнаў злотых. Гэта 110 мільёнаў у год. Заяўкі ў Беластоку можна падаваць у Гарадскім асяродку дапамогі сям’і па вуліцы Клепацкай, а таксама ў інтэрнеце.
Лукаш Леанюк, Беларускае Радыё Рацыя, Беласток
Глядзіце таксама
