Сустрэчы з беларускай традыцыяй у Шчытах



Звяз у карысць адукацыі і прамоцыі беларускай культуры «Шчыты» праводзіць у сваім цэнтры ў Шчытах-Дзенцялове  сустрэчы з беларускай традыцыяй. Майстэрства выцінанкі ды саломапляцення вучням падляшскіх школ, у якіх вядзецца навучанне беларускай мове, прыбліжае беларускі этнограф Марына Марчук:

— Традыцыя выцінанкі вельмі прыгожая: прыгожая ў сваёй святочнасці. Бо папяровымі фіранкамі, кветкамі, сняжынкамі ўпрыгожвалі толькі да свят. Папера — зразумелы для дзяцей матэрыял. Яны на ёй пішуць, працуюць з ёй, аплікацыі рабілі яшчэ ў дзіцячых садках. Мату працаваць з ёй ім прыемна.

Апрача святочных упрыгожанняў, якія стваралі метадам выцінанкі, дзеткі таксама плялі саламяных павукоў. Сустрэчы з Марынай Марчук у рамках цыкла  «Традыцыя, сучаснасць, будучыня» ў Шчытах працягнуцца да канца тыдня.

dsc_7751

dsc_7752

dsc_7753

dsc_7755

dsc_7758

dsc_7760

dsc_7762

dsc_7763

dsc_7764

dsc_7766

Давід Гайко, Беларускае Радыё Рацыя