У Беластоку адкрыўся каворкінг для журналістаў



18 студзеня ў Беластоку прайшло адкрыццё каворкінгу для журналістаў у памяшканні па вуліцы Сянкевіча.

Кажа прадстаўнік гарадскіх уладаў Беластока намеснік прэзідэнта Беластока Збігнеў Нікітаровіч, якія далі дазвол і выдзелілі памяшканне для беларускіх журналістаў:

– Вельмі цешуся, што сёння можам адкрыць гэтае месца, якое беларускія журналісты, найчасцей палітычныя ўцекачы з Гародні, з Менску, з Берасця будець мець магчымасць працаваць без цэнзуры і пераследу. Будуць тут працаваць на карысць таго, каб вольнае слова даходзіла да жыхароў Беларусі. Нашым абавязкам з’яўляецца падтрымка дэмакратыі і свабоды слова ў Беларусі.

Obrazek posiada pusty atrybut alt; plik o nazwie IMG_20220118_155511.jpg

Старшыня ўправы Беларускага Радыё Рацыя Яўген Вапа прыгадаў гісторыю развіцця беларускамоўнай журналістыкі на Падляшшы, павіншаваў прысутных з адкрыццём і падарыў „Пагоню”, а таксама розныя друкаваныя выданні „Нівы”.

Улады Беластока выдзелілі памяшканне журналістам з Беларусі ў верасні. Пасля рамонту і працы над новым праектам цяпер было афіцыйнае адкрыццё, якое сталася таксама і прэзентацыяй новага медыя пад назвай „Мост”.

Францішак Цярэшка, Беларускае Радыё Рацыя

[manual_related_posts]