У Беластоку пахавалі пісьменніка Васіля Петручука



Васіль Петручук быў выбітным і таленавітым пісьменнікам. Яго пахавалі на могілках на Дайлідах.

У апошні шлях яго правялі сябры літаб’яднання „Белавежа”, журналісты, сям’я і блізкія:

Марыя Нічыпарук:

– Ён пайшоў туды, куды пойдзем усе мы.

Валянціна Швед:

– Добра напісаў Віктар Швед у сваім вершы: „Хай ніколі цябе вострая пожня не ўколе”.

Ян Чыквін:

– Ён не мае падабенстве ў літаратуры – ні ў беларускай, ні ў польскай. Ён арыгінальны.

Васіль Петручук памёр 19-га студзеня на 93 годзе жыцця. Апошнія свае дні ён правёў у анкалагічным хоспісе Прарока Іллі ў Беластоку.

Апрача „Пожні” таксама напісаў „Блізны”, „Крышынкі”, „Клавуня, гэта я твой Вася”. Друкаваўся ў Тыднёвіку беларусаў у Польшчы „Ніва”, а таксама ў „Часопісе”.

[Not a valid template]

Валянціна Лаеўская, Беларускае Радыё Рацыя