У Беластоку пахаваюць сірыйскага ўцекача, які памёр у Польшчы
Заўтра, 19 лістапада, адбудзецца пахаванне сірыйскага ўцекача, які памёр у Польшчы пасля таго як быў выдвараны службамі. Ісса Ерэсу было 24 гады, нарадзіўся ён у Сірыі ў горадзе Гама 1 студзеня1997 года. Вядома, што быў у шпіталі, затым памежная ахова выдварыла яго ў Беларусь. Пасля ён зноў перайшоў мяжу.
У верасні ён пераслаў апошняе паведамленне пра месца знаходжання сваей дзяўчыне з зоны надзвычайнага становішча. Невядома, калі памёр Ісса, яго цела знайшла паліцыя 13 кастрычніка на полі непадалёк ад вёскі Клімаўка. Ісса быў хрысціянінам, які ўцякаў ад пераследу ў Сірыі, але не знайшоў прыстанак у Польшчы.
Пахаваюць яго ў Беластоку на праваслаўных могілках, пакуль невядома ў якой царкве адбудзецца развітанне. Ісса па-арабску значыць Ісус.
