У Дубічах Царкоўных дэмантаваны помнік савецкай арміі 



Помнік удзячнасці савецкай арміі ў Дубічах Царкоўных дэмантаваны. У сувязі з прынятым законам аб дэкамунізацыі грамадскай прасторы ў Польшчы былі вымушаныя дэмантаваць помнік, пастаўлены ў 1985 годзе. Мясцовыя ўлады захоўваюць помнік на гмінным складзе.

Гавораць мясцовыя жыхары:

– Тут палеглі жаўнеры, а  не камуністы.

– Такі час прыйшоў. А што гэта дасць? Адзін здымаюць, другі будуць ставіць.

– Нас ніхто не слухае. І ніхто слухаць не будзе.

Войт гміны Дубічы Царкоўныя Лявон Малашэўскі:

– Мы абавязаны гэта зрабіць. Мы прыйшлі да высновы, што няма сэнсу змагацца за гэты помнік, бо няма ніводнага пункту, за які можна зачапіцца, каб гэты помнік застаўся.

У гміне Дубічы Царкоўныя знаходзяцца яшчэ два помнікі, якія павінны быць знятыя, згодна з польскім законам аб дэкамунізацыі грамадскай прасторы. Адзін ёсць на прыватнай тэрыторыі жыхара вёскі Вітава. Другі – у Старыне.

Лукаш Леанюк, Беларускае Радыё Рацыя, Дубічы Царкоўныя

Фота аўтара