У Літве аб’яўлена экстрэмальная сітуацыя з-за ліўняў
Урад Літвы аб’явіў у краіне экстрэмальную сітуацыю з-за шкоды, прычыненай сельскай гаспадарцы праліўнымі дажджамі.
Кіраўніком аперацый экстрэмальнай сітуацыі назначаны міністр сельскай гаспадаркі Бронюс Маркаўскас.
Колькасць ападкаў, якая выпала за кароткі час, у тры-чатыры разы перавысіла шматгадовую норму. Залітыя вадой плошчы складаюць больш за 140 тыс. га, не ўбрана 30 працэнтаў ураджаю. Паводле даных Мінсельгаса, такой крытычнай сітуацыі ў сельскай гаспадарцы не было 40 гадоў, страты могуць дасягаць 40 млн еўра.
За кампенсацыяй панесеных земляробамі страт Літва мае намер звярнуцца ў Еўракамісію.
