У скіце Адрынкі адбыўся пажар – згарэлі іконы і літургічныя кнігі
У праваслаўным скіце ў мясцовасці Адрынкі на Падляшшы ўдзень адбыўся пажар. Згарэла палова іконаў і літургічныя кнігі.
[Not a valid template]
Фота: kontakt24.tvn24.pl
Пажар разгарэўся ў драўлянай капліцы прасвятой Маці Божай Апякунчай, адна са сценаў капліцы поўнасцю згарэла. Цяпер на месцы працуе следчая група гайнаўскай паліцыі, а таксама спецыяліст, які займаецца выяўленнем прычынаў пажараў.
Не выключаецца, што меў месца падпал.
У праваслаўным скіце жыве адзін манах – айцец Гаўрыіл. Скіт увесь час разбудоўваецца, дзякуючы дапамозе і ахвяраванням жыхароў рэгіёну. Гэта не першы выпадак у Адрынках. Пяць гадоў таму на скіт напалі вандалы. Тады, між іншым, быў знішчаны крыж на ўяздной браме.
Айцец Гаўрыіл звяртаецца з просьбай дапамагчы ў аднаўленні капліцы.
Банкаўскія рэквізіты:
SWIFT: POLUPLPR PL
88 8086 0004 0006 3571 3000 0010
З пазнакай: na odbudowę cerkwi
Глядзіце таксама
