У Варшаве прайшла вечарына салідарнасці з палітвязнем Паўлам Севярынцам



У Беларускім Доме ў Варшаве прайшла вечарына салідарнасці з палітвязнем Паўлам Севярынцам. Яе арганізавалі сябры суполкі партыі „Беларуская Хрысціянская Дэмакратыя” у Варшаве.

На вечарыну прыйшло каля 20 чалавек.

Сярод удзельнікаў ксёндз Вячаслаў Барок, душпастар каталікоў у Варшаве. Ён выказаў словы салідарнасці з Паўлам:

– Павел Севярынец ён не толькі палітык, ён таксама блізкі мне па духу, як хрысціянін. Ён вернік Праваслаўнай царквы, які мае шырокія погляды на жыццё і веру.

Актывістка БХД Алена Янушкоўская:

– Каб у нас такія людзі былі на чале апазіцыйнай дзейнасці ці наогул дзяржавы, то мы былі б у „шакаладзе”.

Актывістка Таісія Кабанчук:

– Ён рабіў усё дзеля кожнага чалавека.

Рэпартаж слухайце ў далучаным гукавым файле.

Павел Севярынец – апазіцыйны палітык, сузаснавальнік партыі Беларуская Хрысціянская Дэмакратыя, пісьменнік, асуджаны рэжымам за так званы “удзел у масавых беспарадках” на 7 гадоў калоніі ўзмоцненага рэжыму. Быў затрыманы больш за два гады таму.

Беларускае Радыё Рацыя

[manual_related_posts]